Urkide ikastetxeko bigarren taldearekin hasi genuen atzo astea. Oraingo honetan, 30 ikasle hurbildu ziren hiru helburu nagusiekin; Arabako Eraberrikuntza-Industrialdea ezagutu, ekintzailea izatea dakartzaten gaintasunak landu eta promotore edo enpresari baten esperientziaren inguruan hausnartu eta eztabaidatu, asteleheneko kasuan Biomimetiks enpresako Sergio eta Imanol izan genituen gurekin.

Hauek, beraien esperientzia enpresariala azaltzeaz gain biomimetikaren esanahia zer den azaldu ziguten: erantzun berritzaileak garatzeko naturan oinarritutako zientzia, azken finean, beraien hitzetan “natura mundu osoan sortu zen lehen enpresa berritzailea da”.

Bestalde, Biomimetiksen hitzaldian ekintzailetasunari buruz zituzten galdera guztiak galdetzeko aukera izateaz aparte ekintza eta joku asko egin zituzten beraien pasioak, talde lana, sormena, etab landuz.