Urkideko hirugarren taldea etorri zen atzo, urriak 22, Arabako Eraberrikuntza-Industrialdera. Aurreko egunetan bezala ,ekintza eta joku ezberdinak egin zituzten ikasleek goiz osoan zehar, eta atsedenaren ostean CEIA eraikinean kokatuta dagoen enpresa bateko kideak etorri ziren beraien esperientzia kontatzeko asmoz. Hau Biomimetiks zen, biomimetikan espezializatutako aholkularitza enpresa bat.

Sergio eta Imanolek bertan egiten dutenari buruz hitz egiteaz aparte ekintzailatasunari buruz ere mintzatu ziren. Eta modu honetan eztabaidarako galdera bat egin zen: Ekintzailea izan norberaren errealizazioa lortzeko edo lan egiteko beharra dagoelako?

Argudio eta iritzi ezberdinak atera  ziren baina Biomimetikseko kideek argi zuten erantzuna: “norberaren erralizazioa lortzeko”Beraien ustez oso ziur egin behar zara eta asko gustatu behar zaizu egiten duzuna bidean agertzen diren oztopo guztiak gainditu nahi badituzu.